Здружението за афирмација и развој на одејанија и ракотворби „ВЕСТМЕНТС – МАТКА” е место за секој кој сака да истражува, поддржи и воспостави врска со автентичните и ретки занаети во Македонија. Појдовната идеја на основачите, монахињите од Матка и неколкумина ентузијасти, поддржувачи на манастирот, за создавање на ова здружение беше поддршка и афирмација на ателјето за изработка на одежди, и со љубов да им ги приближат изработените одејанија на сите што се заинтересирани за нив. Понатаму, оваа идеја се продлабочи и разви во потреба за пренесување и афирмирање на богатата ризница автентични и ретки занаети кои се украс на нашата земја.